«Երիտասարդական մրցանակաբաշխություն-2016»

2017թ. փետրվարի 15-ին տեղի կունենա «Երիտասարդ -2016» երիտասարդական մրցանակաբաշխությունը:

Ծրագրի նպատակն է հանրային կյանքին երիտասարդների մասնակցության խթանումը, Հայաստանի Հանրապետության սոցիալ-տնտեսական զարգացման խնդիրների լուծման գործընթացներում երիտասարդների ներգրավվածության բարձրացումը, որն իրականացվում է տվյալ տարվա ընթացքում նշանակալի հաջողություններ ցուցաբերած երիտասարդների, երիտասարդական խմբերի և երիտասարդական հասարակական կազմակերպությունների խրախուսման, նրանց ձեռքբերումների արժևորման միջոցով:

Մրցանակաբաշխությունն անցկացվում է 10+1 ձեւաչափով՝ 10 հիմնական բնագավառներում, և 1 մրցանակ շնորհվում է մրցանակաբաշխության ընթացքում նոմինացված 30 երիտասարդներից որևէ մեկին: Առաջադրված թեկնածուները 2016 թվականի ընթացքում իրենց նշանակալի ձեռքբերումներով աչքի ընկած 16-30 տարեկան երիտասարդներն (երիտասարդական խմբեր) են:

Մրցանակաբաշխությունն անցկացվում է հետևյալ անվանակարգերում՝

1) Երիտասարդ բժիշկ,
2) Երիտասարդ բնապահպան,
3) Երիտասարդ գյուղատնտես,
4) Երիտասարդ գիտնական,
5) Երիտասարդ մշակութային գործիչ/կոլեկտիվ,
6) Երիտասարդ հայրենիքի պաշտպան,
7) Երիտասարդական աշխատող,
8) Երիտասարդ մարզիկ,
9) Երիտասարդ հայրենադարձ,
10) Երիտասարդ գործարար:

Երիտասարդական մրցանակաբաշխությունը կազմակերպում է Ֆորմիկա ընկերությունը, ՀՀ սպորտի և երիտասարդության հարցերի նախարարության հովանավորությամբ: